新奇有趣非洲篇
雖然已經唔係第一次去非洲，不過今次西洲塞內加爾的確每日都感動到我。
近來即使一路走，但已經失去左旅行既感覺好耐。
由於今次無攞visa, 又唔見左yellow fever果張證明書，上左飛機入唔入到境都係未知之數！
由西班牙起飛，飛左5個幾鐘先到首都Dakar, 一落機經由好朋友安排，已經有個係海關到做既Frd 接我，但係其實我又唔識佢個Frd， 只係見到有個黑人攞住我個名接機。
呢到講法文，好彩當年細細個有學過下，當下打個招呼，佢二話不説就拉起我隻手一直行，第一次見面仲拖得都幾緊下 (好有初戀既感覺)， 最正既係所有人見到佢都打開封左既路，好似摩西過紅海咁，無錯我就係咁，明明要visa都唔洗，直沖關口，之後佢講左2句當地土文，＂啪＂印仔聲一響，我第一個過關，快過哂所有當地人，快過香港e道！
因為上次去多哥搞左好耐先入到境，所以好意外。
擺完行李之後，海關哥哥帶我出去戶外停車場，如果佢唔係我身邊，我肯定俾人溶左！不過佢話要搵返我個frd，掉低左我自己一個人企係外面。
晚上12點，全部黑人，呢個國家又冇人黎旅行, 得我一個黃種人，個個都不停同我講野，走過黎，搵左15分鐘先搵到我個Frd，係個15分鐘我唸我朋友唔黎我就仆街喇！
好不容易上左朋友T先生既車，佢又未俾停車費，又無拉走條鎖匙，佢行開10秒架車一直慢慢向前行，我同佢條女又唔識揸車喎，我同佢女朋友就一直大叫，對面車個司機又係咁大叫，唔知佢講咩啦，係千均一發就快同第二架車相撞之際佢條女抽起條鎖匙，不過架車都無立即停到，過左幾秒先停到，諗住今次一定同對頭車撞硬嫁喇，好彩無事，之後所有附近嘅司機都沖哂出黎睇我我地有冇事，其實非洲d人真係好好嫁，anyway啦 ，唔係第一日已經就入醫院，好彩好彩！
經過漫長一日返到佢屋企，直接訓。
下篇先講非洲D on9野！
我好朋友話我好多錯字 同我改哂 更新版
Search